اعلان عن افتتاح مقر مسلم البراك واقامة ندوه بمشاركة
أحمد الشريعان ووليد الجري و خالد الطاحوس .
من اطيح عينك على هالاعلان وتقرا الاسماء ..الا مبرمج يومك ..انك تحضر الندوه
من بداية موسم الانتخابات ثاني ندوه احضرها ..الاولى كانت "مجامله" لمرشح اعرفه واعرف اخوانه وخواله وسلالته ..واذا ماحضرت
راح اكون "مبيوع" ..لمرشح منافس!!..للاسف هذه حروب الدائره الرابعه ان لم تكن معي فانت "مببوع" ماعندنا يوتيوب وحركات:)
الاسماء رنانه بمجال الخطابه الا انها لم تخلو من الكوميديا :)
مثلا لما "قطها" الشريعان..
(نريد اقوال لا افعال)
يحق للشريعان مالا يحق لغيره :)
والجري ذكر اتصل عليه احدهم وقال له "انا راح اصوم وماراح افطر الا على سقوط البراك"
وقال له انشاءلله ماراح تعيد
وسال الحاضرين
يصوووم ولا يعيد؟؟؟
ردو عليه: رااح يعيد
ضيعوا:)
الطاحوس بدا واضحا واثبت تاثره الشديد بالسعدون ..وخصوصا ..باشارة الاصبع
سعد العجمي عريف الندوه ..ابدع
اما صاحب المقر
شوفو ندوته بالتلفزيون :)
....
اعلان احمد السعدون الاخير ...
ضربة معلم
سؤال
اهي نفس الكلمه لما قال
"اجلس ياتراب"
؟؟
اجمل شتيمه:)
ياليت حطوها بالاعلان
..........
على طاري الاعلانات
يوم الاثنين افتتاح مقر فيصل المسلم في خيطان
اعتقد انها راح تكون ثالث ندوه احضرها .. ويمكن الاخيره عناد بسكوب:)
******
بعيدا عنهم:)
عبادي الجوهر
وتغيب الناس وترجع.. وانت غبت ومارجعت!! وش فيك؟؟ وش فيك؟؟
الاشتراك في:
تعليقات الرسالة (Atom)
هناك 15 تعليقًا:
مايحتاج
عباس الشعبي متواجد .. وهتف
نور الجهراء:)
توني بسالك عباس كان موجود و الا ما دل طريج الجهرا
بس بذمتك شفت التزكية العلنية لخالد طاحوس من الجري اتعب عليها
واحد من الربع يقول عن ندوة فيصل باي قناة راح تنعرض
فرد عليه واحد بسكوب
قاله هين
كأنك تنطر فيلم اباحى على قناة السعودية
ما شاء الله عليك خوش تغطية
نشكر تعاونك و تغطيتك
في انتظار ندوة ابو الشيكات فيصل مسلم ؟؟
مقاطع الندوات الى الثلاثاء
انشاءالله
اجهرانا تنوخذ عــــيب وين المستحين؟
"تأثير سكوب :)"
يا الجهراوي شلون تذكر مسلم البراك!!؟
صوتك المفروض جهراوي، و لا أنت من المنشقين؟
---
و الندوة تستاهل إن الواحد يتعنى لها
بس بعيد علينا
:)
بو وليد
..
التزكيه من زمااان من قبل الفرعي
واذا ماخاب ضني لما دش فرعي على وقت الـ25 اعتقد
عباس الشعبي صار حديث الجهرا
هذا منو شنو وليييش:)
..
اتوقع كامرة سكوب راح تكون متواجده
وراح تصور لقطات
كرسي فاضي
واحد يتثاوب
الخيمه من ورى
عشان يقولون هاا شفتووو مافيه احد
سوالف قرعه
بس
..
عنوان ندوة فيصل المسلم
"الكويت بين نداء التنميه وافتراء الاعلام الفاسد"
مدخل خيطان الجنوبي شارع فيصل بن عبدالعزيز
عند الدوار:)
بو سلمى
..
"ندوات" الثلاثاء تستاهل بصراحه :)
بااش مهندسناا
..
والله هو اللي مايستحي ..انا مسميه "النداابه"
..
الجهرا وخذت
خل صوتك جهراوي..وغن ياليل ياعين
ولا اللي مايعطي جهراوي مافيه خير
كلام ماخوذ خيره
مخلين الجهرا ولايه بروحاها ..صايره تكساس
تدري شنو احلا مافي هالفكره ؟؟؟
اللي معترض يقول العوازم يحطون لهم وزير ..والجهراا مالها وزير
يعني قبيله على منطقه!!
وجهة نظر مبسوط منها ...واتمنى انها تعلى اكثر
...
بكره غير ندوة فيصل المسلم فيه ندوة الخليفه
والمشاركين فيها السعدون والجري والطاحوس والشريعان والحبيني
بس يسمحلي ابو خليفه
انا فيني مؤازره لفيصل المسلم عناد "للندابه" :)
وبعدين الندوه الوحيده اللي بيسويها المسلم
وناوي يفجرها:)
الغالي حاطب ليل
صبحك الله بالخير والنوير
تدري وش مستغرب منه؟
البراك ماحضر ندوة السعدون
والسعدون ما حضر ندوة البراك
أتوقع أن هناك أمر ما بين الرجلين!!..قد يؤدي هذا الأمر إلى فراق الرجلين عن بعضهما إذا كُتب لهما النجاح في المجلس القادم...!؟
إلآ إن كان نجاح الخليفة والطاحوس ومن ثم انضمامهما والدقباسي إلى التكتل الشعبي قد يجعل الرجلين يستمران في السير معا
الشيء الذي عندي احساس كبير حوله هو أن هناك شيء في النفوس مابين السعدون والبراك
تقبل مني أجمل التحايا وأرقّها
بوراكان
ياهلااا
تبي تستغرب اكثر؟؟
اعلانات امس بالشوارع مذكور اسم الطاحوس
وبالجرايد مو موجود اسمه!!
والمسجات مو موجود اسمه!!
فيه شي غريب حاصل
واليوم يبين
اذا كانت فيه مشكله بين البراك والسعدون
ابحث عن الطاحوس:)
عباس في الجهرا
فيلم من انتاج سكوب
والبطولة لنا جميعاً
طبعا نهاية الفيلم مأساوية
كم مرة الشريعان قال كلمة "افتكر" ؟
غير زيارة المرشحين سابقا في الديوانية - الله يرحمها - و إلقاؤهم لخطاباتهم .. اعتبر نفسي ما حضرت و لا ندوة و لا افكر بحضورها !
آخر هالندوة اللي بيصوت للبراك و الطاحوس راح يصوتله ، و اللي ما راح يصوت ما اعتقد انها غيرت وجهة نظره فما راح يصوت لهم :)
...
أنا شخصيا اعتقد ان التكتل الشعبي سيتحول لتكتل قبلي واضح ، و بعد ما حدث من التكتل في قضية التأبين حدث هناك شرخ لا يجبر في بنيته.
سابقا كان يحتوي جميع الاطياف و هذا شيء لا اعتقد انه سيعود ليكون مجددا.
ولد الديره
...
هههههه
الشريعان قال افتكر
كثر حب عباس للبراك:)
يامرحباا
البيــاض
...
ياهلا ياهلا
الندوات احيانا تغير القناعات
خصوصا اذا كان فيه حدث جديد
او مرشح جديد
او او
مو كل الناس مبرمجه سلفا لمرشح معين
صحيح فيه وبالهبل ..بس يعني:)
وخصوصواالاختيارات اربع اصوات مو صوتين بس
فيه حيره
.....
التابين احدث شرخ كبير كبير بالشعبي
لكن مايمنع جبره ..خصوصا انه يضم المستقلين ..ولو ان الطاحوس طلع "بدليه"
بس نصبر ونشوف بدور الانعقاد الجاي ..تكتل برلماني
ومو ضروري يكون قبلي بحت
عباس الشعبي معطيني امل بالامتزاج:)
...
تفاؤلي نابع من ندوة الجوعان صراحه:)
إرسال تعليق