"الحياه ستبقى قصرا مليئا بالأبواب, روعتها بأن جميع المفاتيح ربما تكون بأيدينا, لكن علينا أن نحسن اختيار أي باب نريد فتحه أولا, وأي باب ستطرق, وأي باب نفضل أن يوصد الى الأبد, لأن مفاضلتنا بين هذه الأبواب هي المتعه الحقيقيه,وماختيار أي باب منها لنفتحه, وبأي مفتاح, إلا نتيجة طبيعية لحسن او سوء قرارنا"
من رواية الاطخم
للمدون فهد العسكر
....
مده ليست بقصيره ..حتى تصل لي الروايه او كما اطلق عليها كاتبها بكل تواضع ادبي "مشروع روايه"
..
في البدايه اتصالات للموزع لم تثمر بالرد
وبعدها "رسائل" لامجيب لها..!
..
مرت فتره ..واعد المحاوله
رساله واتت الاجابه
عطنا عنوانك
(الجهراء كذا كذا كذا..)
الرد
سوري.. مانجي الجهراء (بالانجليزي طبعا)
اح:)
اي ليش..؟؟
بعيد ولا مادلون ؟؟
وارسل رساله
طيب تعالو الافنيوز واعزمكم على قهوه!!
جات الرساله
شكرا . وحدد الوقت والامور هذي مع ابتسامه (وطبعا بالانجليزي):)
..
اشغلتنا الدنيا..ولارحت
..
مرت فتره..
ويطري على الافدع..سوري الاطخم:)
وارسل رساله ..
طيب تعالولي عند المكتب الفلاني بالمنطقه الفلانيه الساعه الفلانيه وكان المكتب بالعاصمه يعني مستحيل يقول لا!
جاتني رساله
اوكي
اليوم الثاني "شطفوني" وارسل رساله
-مندوبكم تاخر؟؟
-yr nam bls
-فلان!
-sorry who is flaan
-فلان اللي يبي الاطخم اللي واعدكم بالمكتب الفلاني
-اييييييييي هذا انت؟؟ بلا بشكلك ..سواقنا راح ومادل شرايك تعطينا عنوان ثاني؟؟ (بالانجليزي طبعا)
قلت اعد للخمسه وبعدها ارد عليهم الانطباع الاول لردي اعرفه بهالحالات ...مش حلو
..
ارسلت نفس العنوان اليوم الثاني (كاني فصلت على الروايه) :)
ماخذت الا هندي يدق على
واول مره في حياتي
هندي مايدق دقه وحده ..
-الوو
-الوو
-انا فيه مكان فلاني وين يروح؟؟
-انت منو؟
-كتاب ..كتاب
-شنوو؟؟
-كتاب انت يبي كتااب
-اييي الاطخم؟؟
-كتاب
-خلاص اوكي
-كتاب
-يارقله
-كتاب
ووصلت الروايه بسلامه
.....
الاطخم روايه..قبل قرائتي لها
كنت مقرر اني احبها ...
اولا لانها العمل الاول للكاتب نفسه..
ثانيا.. معرفتي التامه لاسلوب الكاتب من خلال زيارتي للمدونه الخاصه به
فاسلوبه من ناحية اللغه على "عالم الورق" جديد ..لم ينحدر للعاميه المفرطه ولا التكلف باللغه
الروايه انتاج "مدون" كويتي
وقد سبق هذه العمل ...ديوان شعري للمدون براك
انا هنا لا اتحيز كون الاعمال لانها من "مدونين" فقط ..ابدا
التدوين ليست فئه او طرف اخر من العالم ابدا..ما اعنيه
ان التدوين ..ليس بذاك السوء ان انكره احد
التدوين اخرج مبدعين ...ومبدعين حتى لو شجعتهم "يجملونك "
....
الى من لم يقرا الروايه
او اعداء الروايات
او من يعتقد ان الروايات ليست الا ترف
او انها مجرد رغي وسوالف
اقرا الاطخم
استمتع بالفلاش باك ...بالتتابع ..بالحبكه..بالمشهد..بالقفشات.. بالوصف والوصف ... ثم الوصف:)
...
الى فهد العسكر
شكرا للمتعه
ومشاركتنا فكرك..
هناك 19 تعليقًا:
""لمثل هذا خلقت الروايات"
بنت مستغانمي
الحين ليش تسوي فتنة بين العسكر و شركة التوصيل؟
:)
ياخي انت ساكن بعيد , تعال قرِّب
المفروض بن عسكر يروح الجهراء و يسوي
open day
و يقعد يوقع على الكتاب
لو قايلي كان جبتها لك
السلبيه الوحيده للأطخم انها لم تنزل كرواية في مكانها الطبيعي في المكتبات للاسف!
لا لا فشلونا التوزيع الله يهديهم
في احد ما يدل الجهرا
:P~
وعلى طاري إبداعات المدونين
هذا لنك لبوست كتبته احتفالا بهم
http://estekana.blogspot.com/2009/02/blog-post_17.html
الغالي حاطبنا
مساء الليل الهادي والرايق
:)
أظن العزيز فهد العسكر بيعفس الموزع على هالسالفة
وشلون مايروحون الجهرا؟
اتصدق فكرة أبا الوليد حلوه حول الأوبن داي
مبروك وصول الرواية....لكن الحوار مع الهندي عجييييب
:))))
تقبل مني أجمل تحايا المساء
بالانجليزي طبعا
:)
بوسلمى
..
ههههه لاوالله ما اقصد
عاد ترا ضبطوني بكيس ذرب:)
يعني ماقصروا
..
الاصدرا الجاي بواعدهم عند ابراج الكويت :)
بو وليد
..
صح مايمنع
وناجر له قاعه البصمان ..عانيه
يستااهل:)
استكانه
..
قبل قرائتي للروايه كنت متخيل ..
بعض المحاذير ..اسم مستعار.. واقتنائها على الطلب
بس لما قرئتها
لقيتها تستاهل الاحتفاء ..وبالعلن
..
والعمل هذا جميل ..واي شي جميل مستمر وماراح يموت
وجاري الدخول للرابط..تسلمين
بوراكان
يامسا الاشواق
انا متضامن مع فكرة بو وليد
قاعة البصمان.. ونسوي قلطه ضمن برنامج الحفل ..
يستاهل بو عسكر
..
الموزع ماقصر بس نتشاقا :)
وحياك الله
بالانجليزي طبعا:)
حاطب ليل .. :)
بس تخلص قراءة نبي بوست نقد تفصيلي منك :)
اما الهندي فعجبتني سالفة يا رقله ههههههههههههههههه
دمت بخير ..
سؤال : انت تكتب بمنتدى المؤشر بنفس النك نيم ..؟ :)
اذا انت الله لا يهينكم شوفلنا الصناعات وين رايح :)
نبيع والا نمسكه :)
مطعم باكه
..
اصلا اول مامسكت الروايه بيدي "خرشتها" بوقتها:)
وويني ووين النقد ...
لا خلني قارئ
النقد متعب.. منهك
بس يصير انتقد زهيرياتك؟؟:)
..
الهندي سبحان الله حاله حال الهندي اللي بدرب الزلق لما علق "لا بابا هذا لهم كلب":)
ويقعد يكررها كل شوي
...
اما المؤشر
مش انا
لو اطق بقوقل اسم حاطب ليل
تلاقيه يوازي هيفاء وهبي من حيث الصفحات
من كثر النكات
...
ويامرحبابك :)
عزيزي اسمحلي اعلق على موضوعك السابق بخصوص الفرعيات ..
كثر الله من امثالك يا كويتي يا اصيل ..
لا بارك الله فيها من سياسة فرقتنا لحضر و بدو و شيعة وسنة .. المكسب لقلة و الخراب لبلد ..
كنت اقرا شهداء الحروب السابقة .. اشملت كل الكويتيين اختلطت دمائهم الطاهر بالارض .. و يينا احنا يا عيالهم كل من يمن ويعاير الثاني جنها ديرته بروحه ..
حفظك الله و امثالك من شباب الديرة .. انتوا الامل .
حاطب تبيع نسخنك؟
مبروك وصول الرواية
شوقتني على قرائتها
عجيب المندوب وعجيبة طولة بالك!
إنت يننوك على ما يابولك إياها
آنا يننوني على ما خذوا فلوسهم
آنا كنت طالبتها على أساس إني أدفع مقدماً بعدين إييبون لي الرواية.
هالندي يابلي الرواية (و كنت حزتها بالدوام) ولا خذا الفلوس!!!
أدق عليهم محد يرد .. دزيت مسج يا عيال الحلال تعالوا إخذوا فلوسكم ..لأ إنتي دفعتي ..هَوْ من قال دفعت ، إنزين إنزين بنطرش السايق .. و أنطر هالسايق إسبوع ولا ياني ..طرشت مسج ثاني و أقص لهم قصتي من يد و يديد علشان يعرفوني و نطرت مادري جم يوم يالله شرف السايق.
ألو ..آنا فلوس آنا كتاب.
نعم؟!!
فلوس فلوس ماما هذا كتاب ..أشوه فهمته ولا جان رديت أدزز لهم من هالمسجات.
غير معرف
الله يجزاك خير على هالكلام
والله الحافظ انشاءلله
حياك الله
ماتقصر
Blog 3amty
..
اسمحلي:)
هذي النسخه الاولى بخليها من مقتنياتي
بورثها
:)
chandal/danchal
..
اهليين
يبارك بعمرك ..:)
وانصحك تقراها ..
راح تخلصها بوقتها
مو لانها قصيره..لا
راح تندمج فيها واسلوب الكاتب
متعه
mellow
..
الله
والله كرماااء:)
اهو مبلغ الروايه عباره عن سعر رمزي
تقديري ..مافيه ذاك الطابع التجاري
فايمكن هذا سبب نسيانهم
بس الهندي ترا حبيب والله
اوجه له تحيه صراحه:)
إرسال تعليق