تحديث:
احد الشعراء مواكب لاحداث "مكائن الزئبق"
وهو يرقب الناس ..وتقسيم الرزق مابين "الأسد " و "الفراشه"
فاضت قريحته الشعريه
فانشد وقال:
لا وهني اللي ورثله مكينه...اوليتني خياط ومحصلن فود
يوم المكينه صارت اله ثمينه...والناس صارت بين ناشد ومنشود
اللي لقاها مرضين والدينه...ومن سعد حظه كنه اليوم مولود
وراع"الفراشه" صاح والله غبينه.. وراحت حياته كلها لهود بلهود
وراع"الاسد" يضحك وطابت سنينه... من عقب ماهو ضايق الصدر مقرود
************
يومين محد يسولف عن الانتخابات
شنو انتخابات؟؟
بالطقااق
فيه موضوع اهم
السبب افواج راحت لحفر الباطن بالسعوديه
او اللي عقدت العزم انها تبي تروح
طيب شعندهم بالحفر..؟؟
يقولك "ماكينة الخياطه" القديمه
وصل سعرها
250 الف ريال سعودي!!
وصاير مخامط عليها
مادري شنو الموضوع بالضبط
بس السوالف يقولون تاجر ..وقاعد يجمع
او تجار اردنيين
وشنو شروط الماكينه المطلوبه؟؟
تحط تلفونك تحت مكاينة الخباطه واذا راح السيرفس..اشتروها منك!!
يقولون السبب الرئيسي ..
اكتشفوا ان مادة "الزئبق الاحمر" داخلها
اللي يقول اغراض لصنع الاسلحه
او
تحضير جن او مارد ..او شي المهم شي "ميتافيزيقي" مو عارفه بالضبط:)
اييي وصرت خبره بانواعها ..
فيه نوع الفراشه:)
ونوع "الاسد"
وعلى طاري الخبصه
فيه فرعيه بالدائره الخامسه يوم الاربعاء
وفرعيه بالرابعه يوم السبت :)
والشمامره بالرابعه تفركش اجتماعهم ..خلاص بطلوو
"ايواا يابو خليفه":)
...
ماتعبت وقوف
ليه ماتتكي..؟؟
ياخي اتكي وريح:)
هناك 23 تعليقًا:
نسبة الاشاعه بالموضوع
مقاربه لنسبة نجاح محمد خليفه:)
البارحه واحد من عيال عمي قالي جيب مكينة الخياطة مالت امك واعطيك ثلاثة آلاف دينار كويتي , الملعون يبي يبوق الـ 250 الف ريال ..!!
وشمر عمرها الفرعية ما تضبط معاهم .. لأن شمر مالهم مرجعية متفق عليها بالكويت .. :)
في ابن طواله , يرجعون له اسلم , لكن البقية ما يعترفون به .. وان شاء الله محمد خليفه يفوز يا رب .. :)
أخي العزيز
بالنسبة للماكينة عندنا ثنتاين ولا نوع بو أسد بعد
يعني عطني ألف و خذها ما تغلى عليك
:)
****
و الفرعيات تتم بمباركة من الدولة و عندي معلومات راح تصدمك باللي يدعمها
بس ما تسوى علينا أمن الدولة
:)
****
و الخليفة إن شاء الله ناجح و إن كانت صعبة
الفرعيات كلها يوم الاربعا
هذا الوكاد و اللي خالص
مركبنا يعني معروف منو اللي داعمها
اكيد وزير المالية الشمالي
الفال للباجي
انشاءالله يتفركشون
إسمحلي لكن مادة الزئبق الأحمر إسطورة...
ومن نسج الخيال...
وما أعتقد لها أي علاقة بالميتافيزيقيا :o)
مطعم باكه
..
والله صايدك ولد عمك :)
قبل شوي قاعد ابحث بالنت عن هالموضوع
لقيت وزارة الداخليه السعوديه منزله بيان تفيد باشاعة"مكائن الزئبق" وانها احتيال..بس منو اللي يحتال على منو؟؟
والله موضوع غريب
لا ولقيت اخبار سرقه محل للمكاين..وتجمهر الناس بالسوق
ومنشورات اتوزع طلب للمكاين
:)
***
انت نيشنتها صح :)
ChEMiCaL-ENG
..
يامرحباا
ذخر ذخر ماتقصر :))
..
قول معلومتك بصوتك
وراح يسري الصوت ويوصلني ماعليك:)))
...
بو خليفه يستاهل
بو وليد
..
فيه السبت بعد
فرعيه لجليعب والشليمي والسويط:))
بو سلمى
..
الباقي اقسموو
وقطو قطيتهم
بس يمكن ليش لا مانقرا الغيب:))
ها وصلك صوتي
:))))
هلا بدكتورنااا
..
وانا قاعد ابحث عن موضوع قصة هالمكاين
لقيت سالفة اسطورة الزئبق الاحمر والمارد والكنز...
قصدي بالميتافيزيقيا
اهو معروف علم ماوراء الطبيعه
واللي اعنيه بالنسبه لي
اهو اي شي بالنسبه لي "اجهله" او حتى مو قادر اصيده بخيالي
هذا مصطلحي الميتافيزيقي:))
ومشكوور يادكتورنا
ChEMiCaL-ENG
ههههههههههههه
يقطع يقطع
وانا اقوووول ليش جدتي مطلعه ال
"Singer seweing machine"
وتقول لي: يمه دشي الوب سايت و شوفي جم وصلت؟؟؟!! LOL
ليه همك؟ و انت آخر همهم!
يعني مبطل سوالف انتخابات ؟
هلا فيك يالغالي!
العفو العفو بس خل الطابع مستور
الميتافيزيقيا ما عرفت معناها إلا قبل إسبوع
لكن للحين ماني فاهم... شنو هالميتفيزيقيا بالظبط!
وشلنا انا وياك بعوار هالراس!
ماكو مصطلح كويتي يأدي الدور برايك؟ :o)
Miznah
حظ المكينه
اندثرت وبيوم وليله قام حظها
وانا اشوف صورها سبحان الله تذكرت قبل
نلعب بسكانها يعنني سياره:)
فريج سعود
..
لا خلاص
ردينا للحش:))
دكتورنااا
اعطيك مصطلح من اختراعي
دام انها ماوراء الطبيعه
يعني شي يفوق المنطق ويفوق حواسنا
شرايك نسميها
"المزهده"
:)
وبلا ميتافيزيقيا بلا وجع قلب:)
خل ندور مكاين عيل
انزين مانحصل بسوق اليمعه ولا كوشو عليهم؟
هاشمي
طلعت اشاعه :)
إرسال تعليق