ليل العرب حالك حتى..القتامه

ظبيه خميس

مجرد مقال واحد..؟!

ياخذو مراتي للقسم ليه؟؟ انا مش بهيمه زي البهايم

مقال للراحل عبدالرحمن منيف بعنوان" العصر الرديء والمثقف الصامت "

ختمها بقصيده لــ "بريخت" يقول فيها
..
"انهم لن يقولوا: كانت الأزمنه رديئة
وانما سيقولون: لماذا صمت الشعراء؟؟"

....


بالامس شاهد ت فيلم "تلك الايام"

د.سالم(محمود حميد)

المناضل القديم..الكاتب... المفكر

الدكتور بالجامعه..المرشح للوزاره
المنظر...المتسلق...الفاهم للعبه

يقبض رجل الشرطه على زوجته فيتصل على قيادي برتبة لواء

( هم ياخذو مراتي للقسم ليه؟؟ انا مش بهيمه زي البهايم)
...

ليت شعرائنا صمتوا وكفى

ليتهم

.......

القلب مع "الاشراف" بمركب الحريه

والله انكم لفخر

اليوم الجاسم

http://www.youtube.com/watch?v=f7yQiv0iJPo

بكره

" إنــــــت"

دام زنيفر يقول امر غير مقبول..فهو امر مقبول

عضو مجلس الامه الموقر

"سعد زنيفر"

يقول: تاجيج الشارع والخروج لساحة الاراده امر غير مقبول

طيب ياعم الحج تبقى وجهة نظرك

دورنا عاد تشوف "وجهة" نظرنا يوم الاحد

اللي "ضد" القانون حياه الله

ترا مافيه بوفيه: )

توبه

الله يتمم من تممتوله

الله يتمم من تممتوله

الله يتمم من تممتوله

الله يتمم من تممتوله

الله يتمم من تممتوله
....

توبه اقولها مره ثانيه
اللقافه شينه شفيها لو قايل "الله يتمم عليه" او "الله يصلحه"..؟؟
..........

ولن ابيع... وطني

http://www.facebook.com/group.php?gid=111359052235426&v=info

حياكم على الفيس بوك
شمقعدكم اهني؟؟:)

ماذا تحمل في حقيبة ظهرك؟؟ وفلسفة سائق تاكسي

"ماذا في حقيبة ظهرك؟"
فلسفه لجورج كلوني ..بالفيلم


من الافلام اللي لما تطلع من السينما ..ماتبي ترجع بسيارتك وتطقطق بتلفونك..وتسولف مع اللي معاك..

فلم لما تخلص من مشاهدته ..تبي ترجع مشي..وتولع زقاره

حتى البوستر خلاب....

تعبير عن اتجاه شخصيات الفلم...

ودي افضفض عن البوستر بس خايف احرقه
...............

"من احاديث القاهره"

فيه سالفه مادري هي نكته ..او صايره بالفعل
يقولك

فيه شباب رايحين مصر ...ووياهم واحد ضارب جيك واصل للسمى ..مهايطي يعني

صعدو بتكسي ...قوم انت يالمهايطي وحاب يستظرف على سواق التاكسي
ودار هالحوار
-
المهايطي لسواق التكسي: تدري ان حياتك خساره..!

سواق التكسي: حياتي خساره!؟...ليه طيب؟

المهايطي: تقعد من النوم وتركب هالتكسي وتفرفر بشوارع القاهره ..وحياتك بس تجمع بهالفلوس ..حياتك خساره راحت على هالتكسي

السواق: طيب انت حياتك شكلها ايه بالكويت؟؟

المهايطي: حياتي قاعد بهالدونيه ..وعندي القهوه والشاهي..والذبايح اتعلق ..والربع والجماعه مجتمعين عندي بالدوانيه..باختصار حياتي

حياة "مراجل"

السواق: بص ياسيدي...كل واحد في الدنيا بيدور على الحاجه اللي "نقصاه"...انا نقصاني فلوس وبدور عليها..وانت نقصاك "مراجل" وبدور
عليها..!

...

مايتعطل...افحمه:)

هي المعالي

متواجد حاليا بالمخيم ..الجو روعه حد البكااء..بتكي فيه للساعه ست وبطلع لساحة الاراده

بث مباشر من المخيم...شوفو الجو

هذي سلمكم الله دفايه يسمونها بسوريا "صوبيه" او "صوبيا"..جابها لنا واحد من الربع هديه من حفر الباطن ..قعدنا كم يوم كاشخين

فيها ..كثفنا العزايم على المخيم عشان كل من يحضر ..نكشخ فيها قدامه نظام "مخيمنا احلا من مخيمكم "..توفعنا انه اكتشاف عظيم ..الا ان

اكتشفنا الصدمه طلعت موجوده عند جواخيركبد ..وموجوده بالهبل ...

بس والله عجيبه مو بس ادفي الا تحرق حرق ..تشتغل بالديزل ..تنقط قطرات عليها من عند الصحن الفضي ..وشب لك كلينكس وقطها داخل ..وبس

هذي صورة البايب اللي يطلع دخان الديزل برا...طبعا الدفايه عدوه للبيئه:) مافيها كلام..بس على خفيف

..........

لله الحمد ربعي هم هم من ايام المراهقه ..كبرنا سوى وتهذبنا سوى

يعني اول مخيم اذكره كنا نروحله كلنا بسياره وحده ..وكانت عباره عن خيمه ..وملعب اهم شي انه فيه ملعب ...بدون ماطور وبدون شي

لما قلت تطورنا اقصد قبل يعني سبحان الله ..الواحد مايدش المخيم الا ساحب له سايد..واللحين مايدش الواحد الا قايل السلام عليكم..

قبل مايطلع الواحد الا بهوشه!..فلاوه:)..اللحين يطلع الواحد وهو يقول تمسو على خير..

قبل مانطلع المخيم ..الا اذا اجرينا الاتصالات لبعض..

اللحين محد يتصل.. حتى لو قعد بالمخيم بروحك...كافي

والله كبرنا:)

..

واحد من الربع اعتبره اخو دنيا ..وشاعر ..بس لالحين اقوله انا مو معترف فيك كشاعر.."بغثه بس".....مع العلم ان هالتصرف غلط لان الشاعر لما يمدح نفسه

مثلا يعتبر دفاع عن النفس ..واخذوها مني ..الشاعر لازم ينمدح..لازم يسمع كلمات الاطراء..ويحتاج للتشجيع حتى لو كان شاعر

عصره..اذا الشاعر فقد الاهتمام..انطفأ

صاحبي شاعر ..مزاج

دش امس علي بالمخيم..قلت له اذا ماقصد اليوم ماراح تقصد طول عمرك..(بحكم الجو العجيب)

خلص فنجال قهوته وقال

"هي المعالي إذا مارمت تطلبها..فاعبر عليها على جسرِ من التعبِ"

يفداك يالقرم من كان قائلها ..مع اللذي طالع الأوراق والكتبِ

حتى اللذي كانوا من قبل نشأتها...

ووقف

-كمل!!

-دقرت

-طيب..كذب لسانك

-ليش؟

-تفدي منو؟؟

-والله ماعندي احد يستاهل

-اذا.. كذب لسانك

(البيت الاول مو له طبعا):)

.....

على طاري السريه ومجلس الامه

حاط رهان ..اذا النائب عسكر العنزي صوت ضد السريه

راح اصور نفسي وانا لابس عزكم الله "خري" ودلاغات العائله ..بهالمربعانيه

وبحطها بالمدونه