الخميس، 21 يناير 2010

ماذا تحمل في حقيبة ظهرك؟؟ وفلسفة سائق تاكسي


"ماذا في حقيبة ظهرك؟"
فلسفه لجورج كلوني ..بالفيلم


من الافلام اللي لما تطلع من السينما ..ماتبي ترجع بسيارتك وتطقطق بتلفونك..وتسولف مع اللي معاك..

فلم لما تخلص من مشاهدته ..تبي ترجع مشي..وتولع زقاره

حتى البوستر خلاب....

تعبير عن اتجاه شخصيات الفلم...

ودي افضفض عن البوستر بس خايف احرقه
...............

"من احاديث القاهره"

فيه سالفه مادري هي نكته ..او صايره بالفعل
يقولك

فيه شباب رايحين مصر ...ووياهم واحد ضارب جيك واصل للسمى ..مهايطي يعني

صعدو بتكسي ...قوم انت يالمهايطي وحاب يستظرف على سواق التاكسي
ودار هالحوار
-
المهايطي لسواق التكسي: تدري ان حياتك خساره..!

سواق التكسي: حياتي خساره!؟...ليه طيب؟

المهايطي: تقعد من النوم وتركب هالتكسي وتفرفر بشوارع القاهره ..وحياتك بس تجمع بهالفلوس ..حياتك خساره راحت على هالتكسي

السواق: طيب انت حياتك شكلها ايه بالكويت؟؟

المهايطي: حياتي قاعد بهالدونيه ..وعندي القهوه والشاهي..والذبايح اتعلق ..والربع والجماعه مجتمعين عندي بالدوانيه..باختصار حياتي

حياة "مراجل"

السواق: بص ياسيدي...كل واحد في الدنيا بيدور على الحاجه اللي "نقصاه"...انا نقصاني فلوس وبدور عليها..وانت نقصاك "مراجل" وبدور
عليها..!

...

مايتعطل...افحمه:)

هناك 10 تعليقات:

kal ho na ho يقول...

يعني المراجل هي باختصار ذبح وصلخ ونار اتطابخ فوقهاالدلال..؟؟

مقدي"ن" فيه راعي التاكسي.. عفارم عليه..عفــــارم ..


ودمتم

Mohammad Al-Yousifi يقول...

زين يسوي فيه

enter-q8 يقول...

الحمدلله على السلامة عاد هالنوعية ما ينفع لها الا سواقين التكاسي

رورو الشخبوطه يقول...

السلام..

شوقتني ع الفيلم..

اما السالفه انه يتني ايميل ..

انه ام تسال ولدها تبي عقل ولا فلوس..

قال فلوس..

قالت لو انا اختار العقل ..

قال كلواحد ياخذ اللي ناقصه!!

ومشكور..

may يقول...

شوقتني ع الفيلم ..

بس النكتة تمام ...

المصري ما ينغلب (....)

خخخخخ

حَافِـيَةُ الَقَدمَيّـنْ ولِبَاسِي المَطـرْ يقول...

افحمه :)

ChEMiCaL-ENG يقول...

السلام عليكم

افتقدناك عسى ما شر؟؟

مار اسلم و جعلك طيب حيثما كنت

حاطب ليل يقول...

ارحبوووو...كلن باسمه: )
متواجد بس داش كورس تجميل للاصابع: )

ChEMiCaL-ENG يقول...

السلام عليكم

حمد الله على السلامة

و البلد محتاج تخصصك النادر في مرحلة الخصخصة و التنمية

حاطب ليل يقول...

عليكم السلااام
بااش مهندس
خسخسوها خلاص؟؟: )
اخص:)
...
لالحين بافريقيا وشابك الاب توب من كافيه واللي وراي قاعد يخز
...
تنميه؟؟محتاجه؟؟
حصل خير:)