وانا قاعد اقلب بمقالات بلال فضل بالنت ..متعود عليه ساخر متذمر ساخط متشائم...
ماتعود يمدح احد....
لقيته يقول بسطر واحد بس
("جمعية الرساله".. اجمل شيء في مصر)
لعب فيني الفضول
شمعنى؟؟
ودام اول مدح له يكون للجمعيه هذي ..اكيد شي عليه القيمه!!
رحت طوالي اسأل كحيلان "قوقل"..
(ياكحيلان شعلوم جمعيه "رساله"..؟؟)
ولقيت موقع لهم
دخلت تصفحته ....تعمقت اكثر فيه
لقيته شي مذهل
فعلا شي ايجابي...وانساني بحت
....
بالكويت فيه اعمال تطوعيه ..بس معرفتي فيها
مثل معرفة الشيبان للبلاك بيري...
يعني مابي جمعيات تطوعيه
لمكافحة التدخين او تنظيف شارع الخليج
لا اقصد
لها انشطه من الانسان للانسان
مو شرط اعطيه شي مادي ...
يعني مجموعات تزور مستشفى مكي جمعه مثلا ..
مجموعات تتبرع بالدم بشكل دوري
هذي امثله يعني ..ولا الافكار شكثرها
اذا فيه ياليت تفيدونا ...
لان البطاليه على قفا من يشيل:)
.........
موقع جمعية رساله
"متعة العطاء"
الاشتراك في:
تعليقات الرسالة (Atom)
هناك 12 تعليقًا:
شخصياً، أفكر بنفس الفكرة من أشهر، ولأول مرة اشوف موقع الرسالة، لازم تكون لنا رسالة إجتماعية واقتصادية وسياسية.
لكن لمن افكر بصعوبة الإجراءات لإشهار مثل هذه الفكرة، أتراجع عنها قليلاً، لكن اشتاق للعودة لنفس الفكرة بكل قوة.
العمل الإنساني .. رائع جداً.
از يو لايك
..
اذا كبدايه يفضل يكون نشاطها على نطاق اجتماعي فقط ..اما السياسي فاراح تدخل بمتاهات وتفتح ابواب راح يطفي فتيل الشعله الاولى منها ..
الشي التطوعي في بدايته ودك يكون حبه حبه مايتشعب وخصوصا اذا كان مجال سياسي ..لانها راح تفتح ابواب محسوب لكذا ولا لفلان او علان ..والناس بعد تراحايشها تخمه سياسيه ..
المجال السياسي لما يكون هناك حدث جلل لاسمح الله
وجهة نظري وقابله للتعديل:)
...
اذا فيك وعزمت توكل على الله
سجل اسمي معاك
اقصد بالرسالة "السياسية" هي التدخل والتحرك لأجل الرسالة الإجتماعية إن اقتضى الأمر.
ادري الناس زهقانة من شي اسمها سياسة :) حتى انا :)
"بس معرفتي فيها
مثل معرفة الشيبان للبلاك بيري..."
لووول من العبدلي إلين النويصيب
منين طرت عليك...قتلتني ضحكاً يافتى
:)))
صباحك رياحين حاطبنا الغالي
:)
الفكرة كما فهمتها من موضوعك جميلة...سأدخل على الروابط بعد قليل إن شاء الله لأتعرف عليها أكثر
لك مني أرق تحايا الصباح
عندنا جمعية المرأة الحين صار مالها داعي .. نجحوا بالإنتخابات ..
انا اقترح تحويل جمعية المرأة - او ايا كان اسمها - إلى جمعية اجتماعية لدعم المواطنين العزاب - بنات وشباب - .. :)
ودمت بخير .. :)
العزيز از يولايك
..
مثل ماتفضلت (إن اقتضى الأمر)
متفقين:))
بوراكان
..
مامرت عليك!! هذي منتشره اللحين تعتبر من اهم مقولات "صيف 2009" :))
صباحك قشطه..:)
الفكره اخذه..وانسانيه
توني حاطه على قناة العربيه برنامج وثائقي المهم بوسط البرنامج طلع عجز ثنتين شنو شغلتهم؟؟
رعاية المساجين اللي طلعو ..بس يزورونهم ويسولفون معاهم
وهم لاجهه رسميه ولا شي..
عجايز بس
شوف التاهيل:))
...
مطعم باكه
..
هههههههههه وبس انتخابات
..
العزاب يستاهلون
يبيلهم جمعيه
على الاقل تحسين..وتهذيب صورة العزااب
وتعزيز مفهموم واحترام شعارهم
"وماجنيت على احد":))
مظلومين ..
يبيلهم دعم
يبيلهم:)
لا خلا ولا عدم يا كحيلان
مير ان فايدنا هالكحيلان
:p~
خوش فكرة
اذا السالفه فيها زواير انسانيه انا بالشوفه
يا حاطب اكتشفت اني احب الناس
تبون سياسه انت وآزيولايك كيفكم
انا بسير على اللي بالمستشفى واللي طلعو من السجن وهني وهناك واقضيها مسايير انسانيه
:p~
واقترح انشاء جمعيه المحافظة على السنعين غير المتناقضين ضد الانقراض
لأن مجموع الشباب والبنات السنعين آيل للانقراض
لابد نتلاحق عليهم يا حاطب
:)
حاطب في مجموعه اسمها we care
هذول ما شاء الله مجموعه من البنات و ما ادري اذا التحقوا معاهم الشباب و الا لأ شغلتهم يزورون دار العجزة و الايتام بصفة دورية و يجبون لهم هدايا رمزية من صنعهم
بس ارد من الدوام ادز لك الرابط
استكانه
..
كحيلان هالعصر ...
رايته بيضه
جعل من سواه الجنه:)
...
المحافظه على السنعين الغير متناقضين
ماتوفي نسوي لهم جمعيه
يبيلهم تحطهم جزيره ..
وتقطع الارسال عنهم
لانه وباء والعياذ بالله
ينتقل لمجرد النظر بس
..
ياامرحبا:)
بو ولييييد
..
هلا هلا والله
فاقدينك والله يابو وليد
...
مشكوور يابو وليد على المعلومه
ومستنيين
لاخلا ولاعدم
إرسال تعليق